Reiserute

Gunnabuda ligg på Longva på øya Flemsøy/Skuløy nord for Ålesund.

Reise med bil

Med Nordøyvegen har vi no blitt landfaste - og vegen knyter i tillegg saman fleire øyar: Lepsøya, Haramsøya, Flemsøy/Skuløy, Fjørtofta, Harøya og Finnøya!

Vegen startar på Skjelten mellom Brattvåg og Søvika.
Raskaste veg til Skjelten dersom du kjem frå Ålesund er å køyre via Søvik - ikkje Brattvåg.
Frå Skjeltene går vegen over Lepsøybrua, deretter vidare i tunnel til Austnes på Haramsøya.

Frå Haramsøya følger du skilting mot Harøya. Vegen går først utover mot Ulla, deretter over brua til Flemsøya. Deretter følgjer du også no skilta mot Harøya (evt. Rogne) og passerer etter ca. 2 km Flem skule på venstre side av vegen - vegen deler seg deretter i ein øvre og ein nedre veg, du skal ta vegen mot høgre (nærast sjøen). Etter ca. 1,5 km svingar du ned vegen som fører ned til Longva Servicesenter heilt nede ved sjøen - då ser du også Gunnabuda som ligg ein stikkveg til venstre rett før servicesenteret.
Køyretida frå Austnes til Gunnabuda er ca. 15 minutt.

Reise for grupper

For grupper som skal ordne felles transport, vil det rimeligaste no vere buss. 

Eitt alternativ er f.eks. Turistbussen, som har turbussar for utleige, tlf. 70143316

Det er også mogleg å kome hit med båt. Mindre skyssbåtar kan legge til på havna ved Gunnabuda, medan større båtar kan legge til ved Longva Kai 100 meter unna.
 

Kollektivtransport

For rutesøk, sjekk nettsidene https://frammr.no/