Vikingtokt og -fest 

31/5-2021: Vi har selt vikingbåten til opplevingsparken Ornavik i Normandie! Så vi kan ikkje lenger tilby turar med "Langvin".  

---- Slik brukte vi båten, dei åra vi hadde han på Longva:

Vikingbåten "Langvin" såg dagens lys på Bjørkedalen og kom til Gunnabuda i 2001. Han blei bygd av Jacob Helset som den ellevte av sitt slag og er av solide furuplankar. Vikingskipet er på 36 fot og veg om lag 1500 kilo. 

Båten er utstyrt med 10 årar og har plass til opp til 15 vikingar. Det bør vere med minst 4 roarar på ein tur med båten - vi stiller sjølvsagt med kaptein i tillegg.
Bli med i båten på fisketur eller på vikingtokt med strandhogg!

Vikingpakke

Vår "Vikingpakke" har blitt svært populær - denne tilbyr vi for grupper på minst 10 personar. Alle får utdelt "vikingdrakter" og får prøve seg på litt av kvart.

Vikingpakken består av:

• tur med vikingskipet
• bogeskyting
• kubbspel
• steiking av vikingbrød på bål

Bogeskyting

Kubbspel

Dette er eit vikingspel med trekubbar,
opprinneleg frå Gotland - vi instruerer i reglar undervegs.

Vikingbrød

Steik brød på takker over bål - oppskrifta på brøda er rekonstruert utfrå funn på ein vikingbuplass!